The Mahones van actuar el próximu miércoles 1 de Setiembre na Sala Savoy de Xixón xunto a les bandes llocales MEZÁ y SAMBRE. La cita cola música folk y punk folk va ser de magar les 20h na centrica sala xixonesa SAVOY, y tien un preciu de 10 €. [www.myspace.com/themahones]

Mezá son un grupu mozu de Bual que faen un folk de raigañu occidental www.myspace.com/mezabual

Sambre ta acabando la so xira de presentación del so primer trabayu discográficu punk folk "Na Solombra" www.myspace.com/sambreasturies

Skanda va actuar el próximu miércoles 18 d'Agostu nel II Festival Xixón 5º40' . La cita va ser a partir de les 20.30h na Plaza Mayor de Xixón. Skanda va aprovechar la ocasión pa presentar los temes del so nuevu trabayu discográficu (el quintu yá d'esta veterana banda) "Folk & Roll Circus" que salió al mercáu esti mesmu branu sol sellu Algamar Producciones.

Per otra parte, CARÁS va actuar nel marcu del I Festival de Cerveces del Mundu que va tener llugar como actividá paralela a esti Xixón 5º40', y que se va desenvolver a lo llargo de tola selmana na Playa de Poniente de la localidá asturiana. L'actuación va tener llugar el vienres 20 d'Agostu a les 18h. Carás va interpretar temes del so segundu y esitosu discu, "Pequeñu", nun formatu especial pa la ocasión.

Nel mesmu escenariu que Carás, SAMBRE va llevar a Xixón el so contundente punk rock folk el mesmu vienres 20, a la media nueche. Sambre, que ta acabando la so xira de presentación del so primer trabayu discográficu "Na Solombra", va amosar un adelantu de lo que va ser, ensin dala dulda, el conciertu del branu, el próximu 1 de Setiembre na Sala Savoy de Xixón, a partir de les 20h, y nel que van intervenir los grupos Mezá, Sambre y The Mahones.

Sambre participa nel discu recopilatoriu colos meyores direutos del II Republicastur. La banda de punk-rock-folk comparte discu con Boikot, Fe de Ratas, Desakato, Skontra y Taranus. El discu ta editáu pol Foru Estatal pola Memoria, la Federación Asturiana Memoria y República y El Subko Producciones. Con un total de 18 témas, podemos atopar tres canciones de Sambre: "Fumu y carbón", "Na solombra", amás del tema inéditu "Teniente Mc. Guire".

Movie Jack esprende fuerza y potencia sobre l'escenariu. Enllena los ambientes coles sos melodíes rock d'influencia glam, cola so puesta n'escena y coles ganes que ponen. Lleven dende 2007 con un soníu definíu que los llevó a ganar dellos concursos de maquetes... y lo que-yos queda. Agora, pasen a formar parte del nuesu book de grupos musicales.

Algamar Producciones celebra'l Día del Llibru dando anuncia de la so incursión nel mundu lliterariu de la mano de Suburbia Ediciones.

Suburbia y Algamar van collaborar nun proyeutu de llargu percorríu que verá la lluz en 2011, y nel que se van entemecer los campos de trabayu de dambes empreses.
www.suburbiaediciones.com

Dempués del so personal primer trabayu: "Colores, olores, Ruidos" que lu lleva a actuar nos meyores escenarios dientro y fuera de la rexón , destacando dalgunos tan especiales como El Teatru Filarmónica y La Santa Sebe al par d'Eva Amaral y Juan Aguirre,llega agora "Pequeñu", el so segundu álbum. Una selección de temes ñacíos de la so continua necesidá d'esquizar soníos y reinventase. Cantares nes que s'aprecien influyencies tan diverses como'l nuevu pop británicu y el rock español de los 90. Carás vuelve a primer llínea de fueu al par de la so nueva banda, que yá pudimos esfrutar na selección d'Eurovisión 2010 y nel programa de Telecinco “Muyeres, homes y viceversa”.

Al respective de el so anterior álbum, los testos evolucionaron, d'aquella señardá y añoranza a una visión optimista, una güeyada al futuru. Ye, en palabres de Carás, la música que reflexa'l so momentu, el frutu de la so independencia y autonomía como artista. En “Pequeñu” hai una güeyada escontra'l pasáu recién, onde los testos falen de la vida diaria, los sentimientos y la llucha por algamar les metes. Pa esti trabayu cunta cola producción de Dani G. (Northwind, Darksun, Hard Spirit…), qu'apurre al discu un soníu pop-rock elegante y actual. Y la masterización del so amigu y productor Gonzalo Lasheras.( Esclariaos, Duncan Dhu, Amaral,Jorge Drexler...) dando l'emburrión final a un trabayu con identidá propia.

Dende 1996, Skanda convirtióse por méritos propios nel referente del folk-fusion de la música asturniana. Acaben de publicar "Folk & Roll Circus", el so quintu trabayu discográficu, esta vegada col sellu Algamar Producciones.

Grabáu a primeros d'añu en Mieres, n'Estudios Miller, "Folk & Roll Circus" ta compuestu por 14 cantares. Cuatro d'elles son versiones y el restu composiciones propies. Trátase d'un álbum del tou heteroxéniu onde podemos atopar dende la balada d'amor verdadero, 'Nelolaya', na que collabora Anabel Santiago, hasta la quema de barricaes del cantar 'El últimu prexubiláu'. Amás, y per primer vegada, inclúyense vídeos, 'Soi asturianu' y 'Ser humanu', dambos dirixíos por Rubén Pantiga y un 'como se fixo' realizáu por el mesmu Marco Castañón.

2010 ye un añu bien importante nel calendariu de Falanoncaduca una y bones la banda va grabar el so primer discu de llarga duración. Agostu ye'l mes nel que los Estudios ACME d'Avilés y la produición de Miguel Herrero (nomináu a los premios musicales AMAS en delles ediciones) van dexar constancia del debú discográficu de Falanoncaduca. Un trabayu col sellu Algamar Producciones, que va tar formáu por 13 cantares y nes qu'el "Mecigayu Son" sigui esquizando nuevos caminos musicales como'l surf, soul o merengue al par de los otros soníos referenciales de la banda.
.

"Mecigayu son" , ye la etiqueta puesta por Falanoncaduca pa definir el so propiu soníu. Música onde tienen cabida ritmos del mundu como'l ska, rock, funk, reggae, hiphop, metal; pero fecha en Asturies y con tastu identitario, como demuestra la presencia de la gaita asturiana y l'influyencia de la música tradicional asturiana nes composiciones

Willy Naves artista asturianu, presenta'l so proyectu personal, dempués de militar en delles bandes de la escena asturiana como Entropía o Motel
Blues.
El so primer EP, "La casa en la playa", con producción de Sergio Sastre (Miss Caffeína) y dirección vocal de Zahara, foi considerada como "Meyor Demo d'Asturies en 2009" (Mondosonoro).

A lo llargo del añu 2009 foi escoyíu FINALISTA del Concursu de Maquetes 40 Principales. Así mismo llevóse el 3er Premiu del XII Concursu de Rock Ciudá d'Uviéu, d'esta miente consigue colase na final de los dos concursos más importantes a nivel rexonal nel so
primer añu d'andadura, amás de faese col 2º Premiu del Concursu de Maquetas CISLAN. Empieza 2010 siendo Finalista del “Concursu Queixo Maquetón“ de Arzúa (A Coruña). Formando parte del cartel del Festival al par de Second y Rinocerose.

Tou esto llevó-y a compartir escenariu con dalguna de les bandes de más actualidá como “Zahara”, “Briant Hunt” o “Jaula de Grillos” y a colase en Festivales como “Llanes al Cubu” compartiendo cartel con bandes como “Pablo Moru”, “Despistáivos” o “Macacu”.

Edu Vazquez ye una de les figures emerxentes del nuevu rock d'autor que ta surdiendo n'Asturies.

Criau ente los cuadros del so tiu Eduardo Úrculu y los sonios blues ya country qu'emanaben de la guitarra del so primu, entamó bien ceo a tocar el pianu y aficionase a les seis cuerdes de la guitarra. Ente los sos mayestros tán Rafa Kas y el jazzista Alfredo Morán, que lu animaron a lanzar la so carrera en solitariu dempues de formar parte de proyectos como Los Bourbon, Bill Bullet, Despreciables y Septimo Cuervo ente otros.

"Aunque lluevan sombreros" ye'l títulu del EP asoleyau en 2009 nel que podemos atopar canciones con toques de country, folk de la costa oeste americana y buen rock estatal.

Un músico a tener mui en cuenta.

Dos selamnes con conciertos, les caberes del mes de marzu. El Vienres 19, SAMBRE tará presentando el so "Na solombra" nel "San Patrick's punk-folk fest" que tendrá llugar na sala La Antigua Estación (Uvieu). Van tar acompañaos de los asturianos Taranus y de los que tán considerados referentes na escena punk-folk europea, los checos "Pipes & Pints", que vienen n'esclusiva a presentanos el su caberu trabayu.

“A teyavana” va presentase'n casa, nel Teatru Vital Aza de Pola L.lena. La Col.lá Propinde presentará ante los sos vecinos el que yá ye'l tercer discu de llarga duración, nun concierto espectacular. Una puesta escénica percuidá ya unos invitados de luxu faen de la tarde-nueche del domingu 28 una cita ineludible.

 

 

 

 

 

 

Sambre + Taranus + Pipes & Pints = Viernes 19, a las 20h en la Antigua Estación (Oviedo)

La Col.lá Propinde = Domingo 28, a las 19.30h en el Teatro Vital Aza (Pola L.lena)

 

Otra vuelta’l vientu sele vuelve a ruxir  y otra vegada los sones y les lletres de La Col.lá Propinde vuelven a inundar l’espaciu musical n’Asturies, esta vez por mor de la teyavana: unes lletres y unos sones allugaos a los cuatro vientos, como si d’ una nueche de branu se tratara, componiendo idées al rellumu de les estrelles filtráes nel llar baxu les ripies y les teyes del cumal. Dormir, suañar a teyavana, col cielu rasu ente les teyes.
“A teyavana” grabose nos estudios TUTU ente mayu y setiembre, cola producción de Sergio Rodríguez y Ánxel  González.
“A teyavana” ye un discu con 12 temes onde se combinen los de reellaboración tradicional y los de composición propia del grupu. A más, n’esta ocasión, cuenta cola collaboración de Esther Fonseca, que pon voz al cantar “2417”.
Ente la biografía de La Col.lá Propinde, destaca el premiu al meyor cantar n’asturianu nel añu 2003 por “l’emigrante”. Nel añu 2009 fueron banda sonora de la serie de Antena3 “Doctor Mateo”.
El 29 de Xineru, presentarán el discu nun conciertu na Fnac de Parque Principado (Asturies)

El curtiumetraxe de Pablo A. Quiroga Prendes (Skancia)& Francisco Martínez Peláez, "Bisarmes", alzase col premiu al meyor curtiu nel III Certame de curtiumetraxes de la mancomunidá de El Cabu Peñes.Marisa Vallejo, Fernado Marrot, Pelayo Prendes y l'afamau actor vascu Txema Blasco (Vacas, Cenizas del cielo, Obaba, Carne de gallina...) formen el repartu d'esta hestória na que'l músicu asturianu Javi Suárez (Jahzzar) puso-y el toque definitivu.

 

 

 

Sambre. Na Solombra

Sambre. Atravesau pelos chigres

 

 

La Tarrancha . A la Lluna

La Tarrancha . La nueche que t'alcontré

Nel prosimu mes d' Avientu empecipiará el rodax de la adaptación del rellatu del escritor candasín David Artíme, "Ella y Ariel".El rodax, en collaboración cola Asociación Cultural ACSM, desarrollaráse integramente nel Conceyu de Carreño, y contará cola dirección del cineasta Pablo A. Quiroga Prendes (www.skancia.com).