La Col.lá Propinde asoleya en 2010 "A teyavana", el so tercer trabayu discográficu. La Col.lá Propinde arrastra seguidores alla onde actuen, fueron gallardonaos col premiu al "meyor cantar n'Asturianu" en 2003 y en 2009 pusieron-y música a la serie d'Antena3, Doctor Mateo. (+) Info www.myspace.com/lacollapropinde1

Skanda lleva más d' una década (Mieres, 1996) enriba los escenarios afalagando al públicu col so folk de fusión rockera. Cuatro díscos nel mercau y una bayura collaboraciones en recopilatorios amuesen la so veteranía y solvencia. En 2010 asoleyen el so quinto trabayu discográficu, "Rock&Folk Circus" . (+) Info www.myspace.com/skanda4

Darbukka. Dende A veiga, nel estremu occidental d'Asturies, llega esti grupu d'aires y músiques tradicionales en que les sos composiciones, nel so mayor parte en gallego-asturianu, entemécense les influencies europees de los sos componentes. En 2010 van entrar a grabar el so segundu discu tres el reconocíu "Fálala" (2007). (+) Info www.myspace.com/darbukka

Verdasca ye anguañu,un de los grupos folk con más proyección. Destaca la calidá interpretativa de los sos bien mozos componentes, que yá foi reconocida con dellos galardones ( AMAS 2008 al grupu revellación. 2º en Trophée de Musique Celtique “Cidrerie du Terroir” de 2007 (Lorient)...). Tan acabantes d'asoleyar el so debú discográfico, "D'Abeu"(+) Info www.myspace.com/verdasca

Carás publica en 2010 "Pequeño", el so nuevu trabayu discográficu col que vuelve a primer linea de fueu, al par de la so nueva banda, que yá pudimos esfrutar na selección d'Eurovisión 2010 y en programes de Telecinco. Tráinos una selección de temes nacíes d'esquizar soníos y reinventase. Cantares nes que s'aprecien influencies tan diverses como en nuevu pop britanico y el rock español de los 90 .(+) Info www.humbertocaras.es

Moonglow lleva años componiendo temes y presentandolos con ésitu nos escenarios locales. Llegó la hora de dar el saltu y amosar el so rock acustico al públicu. Una banda llena de reconocíos músicos de talentu, que se xunten pa esfrutar de la suavidá de les sos temes y de la rotundidá del so directu nel que nun falta'l blues, el jazz, la bossa nova, el contry... (+) Info www.myspace.com/moonglowgijon

Willy Naves ye la referencia más nueva de la música Indie asturiana. Dempués de militar en delles bandes de la escena asturiana como Entropía o Motel Blues, preséntanos agora'l so proyectu en solitariu. Mientres los primeros meses d'andadura auto produz y graba nel so “Home Studio” cuatro tarrezas de gran repercusión a nivel estatal, que va presentando n'ensame d'escenarios. (+) Info www.myspace.com/willynaves

Alfredo González ye pianista de títulu, guitarrista d'adopción y escritor de servilletas por cuestiones d'azar.Publica n'Ochobre de 2008 "Dudas y precipicios ", col que consigue dos premios AMAS (Anuariu de la Música Asturiana) nes categoríes de Meyor Letrista y Meyor Videoclip. En xineru de 2009 publica "la nada y u" (L'aguañaz 2009), el so primer discu escritu íntegramente en llingua asturiana, nel que cunta cola collaboración nes lletres de dalgunos de los meyores poetes del país. Selmanes dempués de salir yá llogra'l Premiu de la Crítica de la RTPA (Radiotelevisión del Principáu d'Asturies) al Meyor Discu d'autor, y un mes dempués consigue'l Premiu al Meyor Cantar, col tema que titula l'álbum. Anguaño sigue xirando con dambos discos, dempués de llegar a participar nel Festival Internacional del Cantar Itinerante de Bogotá 2009 (Colombia) o nel Liet International 2009 de Leeuwarden (Países Baxos)..(+) Info www.myspace.com/alfredoglez

Edu Vázquez ye una de les figures emerxentes del nuevu rock d'autor que surde n'Asturies. Criáu ente los cuadros del so tio Eduardo Úrculu y los soníos blues y country qu' emanaben de la guitarra del so primu, empezó llueu a tocar el pianu y aficionase a los seis cuerdes de la guitarra. "Anque lluevan sombreros" ye'l títulu del so EP llanzáu en 2009 nel que podemos atopanos cantares con toques de country, folk de la mariña oeste americana y bon rock estatal..(+) Info www.myspace.com/eduvazquez81

Edu Vigil vuelve en solitariu a los escenarios. Dempués de más d'una decada acompañáu de banda, preséntase en solitariu pa esnudar la so alma con cantares de sentimientos y emociones, cantares de paisaxes urbanos y d'ausencies presentes. Guitarra en mano, Edu Vigil emociona coles sos lletres directes y les sos melodias trabayaes..(+) Info www.myspace.com/eduvigil

MISIVA surde proyectu musical punk rock directu, potente y reivindicativo.
Non yá pretende faer música sinón tamién cuestionar, transgredir, convertir les sos moliciones en cantares pa llegar a tola xente que sía posible. A última hora, apurrir el so granucu d'arena pa camudar el mundu en que nos tocó vivir.

Nel añu 2010, y gracies al bon trabayu, fueron finalistes de la XIV edición de los Premios de la Música de l'Academia de les Artes y les Ciencies de la Música, na categoría de Meyor cantar n'Asturianu, y finalistes del Premiu al Meyor Cantar 2010 de la Conseyería de Cultura y Turismu del Principáu d'Asturies. (+) Info www.myspace.com/misivapunkrock

Sambre ye'l nuevu grupu de referéncia na escena de Rock folk n'asturianu. Sambre descata polos sos soníos puros y la so actitú nel escenariu. Na seronda de 2009 publiquen el so primer discu, Na "solombra". Hasta la grabación d'esti discu participaron nel discu de versiones de Dixebra "Perversiones" col tema «Asturcón>> y nel recopilatorio "Calzada News vol. 2" con «Atravesáu pelos chigres>>. . (+) Info www.myspace.com/sambreasturies

"Mecigayu son", ye la etiqueta puesta por Falanoncaduca pa definir el so propiu soniu. Música onde tienen cabida ritmos del mundu como'l ska, rock, funk, reggae, hiphop, metal; pero fecha n'Asturies y con tastu identitariu, como amuestra la presencia de la gaita y la influencia de la música tradicional asturiana nes composiciones. Un direutu espectacular. (+) Info www.myspace.com/falanoncaduca

La Tarrancha ye amiestu, fusión, reggae, funk, rock, folk, vientos... un coloríu volcan de soníos enriba de los escenarios que nun van dexar que naide del públicu quédese nos sos asientos ensin saltar y baillar.La Tarrancha publica "Ö-3-3 ", el so primer discu de llarga duración, a finales de 2009 col sellu Algamar.(+) Info www.myspace.com/latarrancha

Movie Jack ataca con fuerza. Un grupu con tables sobre los escenarios y con una nueva re-invención nel so estilu. Soníos rock, soníos glam. Lleven dende 2007 alzándose como ganadores d'una bona cantidá de concursos de maquetes, llegando a esti estilu y soníu defindo y depuráu (+) Info www.myspace.com/moviejackband

El Grupu de Baille Tradicional San Félix fórmase fai 25 años en Candás. Dende entós dedíquense a investigar na cultura tradicional de la fastera d'El Cabu Peñes y el restu d'Asturies. Bailles y cantares tradicionales son lo que nos ufierta esti grupu qu'en 2008 publica un dvd + cd por cuenta del so 25 aniversariu. (+) Info www.myspace.com/grupusanfelix

El colectivu Seidad.colcaracterízase por faer unes sesiones de house completes, con preseos en directu, metales, percusión, guitarres, baxos... Una nueva propuesta que fai de la so música un perfectu coctail de soníos electrónicos y tradicionales. (+) Info www.myspace.com/seidad